Rajlal yookebʼ chi kʼihank li nekeʼrekʼa ribʼ xjunes | Kʼaru naxye li Santil Hu?

Naq xtzʼilmank rix aʼina kiyeemank naq jun re kaahibʼ chi kristiʼaan narekʼa ribʼ xjunes.

• «Yalaq ani naru nachʼaʼajkiik wi narisi ribʼ xjunes» (Chido Mpemba, copresidenta de la Comisión re li nimla molam chirix li kawilal [OMS] chirix Conexión Social).

Moko kaʼaj tawiʼ li cheekebʼ malaj li wankebʼ chi najt nekeʼrekʼa ribʼ xjunes, ebʼ li saaj, li kawebʼ ribʼ, li sumsukebʼ malaj ebʼ li bʼihom nekeʼrekʼa ajwiʼ aʼin. Li nekeʼxnajtobʼresi ribʼebʼ ut li nekeʼrekʼa ribʼ xjunes nekeʼchʼaʼajkiik li xjunxaqalil ut inkʼaʼ chik sa nekeʼrekʼa ribʼ.

• «Qʼaxal ra naq taawekʼa aawibʼ aajunes [...]. Joʼ naq junaq li qas qiitzʼin nakamk xbʼaan xmayinkil 15 li may chiru li kutan joʼkan ajwiʼ naru tixkʼul li narekʼa ribʼ xjunes ut li nekeʼxnajtobʼresi ribʼ» (Vivek Murthy, director general de Salud Pública de Estados Unidos).

Li Santil Hu naxye

Li Yos inkʼaʼ naraj naq tqanajtobʼresi qibʼ. Naraj bʼan naq twanq qamiiw ut sahaq saʼ qachʼool.

• Li xraqal li Santil Hu: «Li Qaawa’ Yos kixye: “Inkʼaʼ us naq taawanq li winq xjunes[”]» (Génesis 2:18, Li Santil Hu, Sociedad Bíblica de Guatemala).

Li Yos naraj naq toowanq saʼ amiiwil rikʼin. Naxye qe naq wi naqayal qaqʼe chi jilok chixkʼatq, aʼan ajwiʼ tjiloq chiqakʼatq (Santiago 4:8).

• Li xraqal li Santil Hu: «Sahebʼ saʼ xchʼool li nekeʼxkʼe reetal naq naʼajmank li Yos saʼebʼ li xyuʼam xbʼaan naq rehebʼ aʼan li Xʼawabʼejilal li choxa» (Mateo 5:3).

Li Yos naraj naq tqaloqʼoni ru rochbʼeen jalanebʼ chik. Wi joʼkan tqabʼaanu sahaq saʼ qachʼool.

• Li xraqal li Santil Hu: «Qakʼoxlaq qibʼ chiqibʼil qibʼ re naq tqatenqʼa qibʼ chi xkʼutbʼesinkil li rahok ut xbʼaanunkil li us, ut inkʼaʼ toochʼutlaaq yal joqʼeqil [...]. Qʼaxal qawaklesihaq bʼan qachʼool chiqibʼil qibʼ» (Hebreos 10:24, 25).

Wi taawaj xnawbʼal xkomon chirix chanru tqaqʼax ru naq naqekʼa qibʼ qajunes chaawil li naʼlebʼ «Soledad en la era de la comunicación».