Kʼaʼut ebʼ laj testiiw re li Jehobʼa nekeʼrulaʼani ebʼ li poyanam li ak wankebʼ xpaabʼal?

Qilom naq naabʼalebʼ li poyanam usta wankebʼ xpaabʼal nekeʼwulak chiru aatinak chirix li Santil Hu. Ut chʼolchʼo chiqu naq li junjunq chi poyanam wank xkʼulubʼ chi paabʼank bʼarwiʼ naraj, joʼkan naq maaʼani naqamin ru chi xkʼulubʼankil li esil.

Naq nokooʼaatinak rikʼinebʼ li poyanam chirix li paabʼal, naqakʼe qaqʼe chi xyuʼaminkil li naxye li Santil Hu joʼkan naq naqabʼaanu «saʼ xyaalal ut saʼ tuulanil» (1 Pedro 3:15, Li Santil Hu, Wycliffe Bible Translators). Naqanaw naq wankebʼ inkʼaʼ teʼxkʼulubʼa li esil (Mateo 10:14). Abʼanan, tento tooʼaatinaq rikʼinebʼ li poyanam re xnawbʼal ma teʼxkʼulubʼa malaj inkʼaʼ. Ut, li xwanjik li junjunq naru najalaak.

Jun eetalil, maare tqataw jun li poyanam li inkʼaʼ traj aatinak qikʼin xbʼaan naq laatzʼ ru, abʼan saʼ jun chik kutan naq yamyooq ru sa chik toorabʼi. Joʼkan ajwiʼ, maare li poyanam yooq xnumsinkil jalan chik li chʼaʼajkilal ut aʼin t-ekʼasinq re chi xsikʼbʼal li naʼlebʼ li wank saʼ li Santil Hu. Joʼkan naq, naqakʼe qaqʼe chi aatinak rikʼinebʼ jarubʼaq sut tixkʼe ribʼ chiqu.