Ma wank jun li naʼaj bʼarwiʼ nanaʼajink li Yos?

Li naxsume li Santil Hu

Heeheʼ. Li Yos nanaʼajink saʼ choxa. Kʼe reetal li naxye ebʼ li raqal aʼin:

Naq li awabʼej Salomón kitijok chiru li Yos kixye: «Chawabʼiiq li xtij toj saʼ li choxa, saʼ laamuhebʼaal» (1 Reyes 8:43, Li Santil Hu, Sociedad Bíblica de Guatemala, SBG).

Naq li Jesús kixkʼut tijok chiruhebʼ li xtzolom, kixtikibʼ chi joʼkaʼin: «At qaYuwaʼ li wankat saʼ choxa» (Mateo 6:9, SBG).

Naq ak xwakliik chi yoʼyo li Jesús kiʼok «saʼ choxa re xkʼutbʼal ribʼ [...] chiru li Yos» (Hebreos 9:24, SBG).

Ebʼ li raqal aʼin nekeʼxkʼut chi tzʼaqal re ru naq li Jehobʼa yoʼyo, naq wank saʼ choxa, ut moko wank ta yalaq bʼar joʼ nekeʼxye wiibʼ oxibʼ li poyanam.