Ma saʼ xmaak laj Tza naq wank chixjunil li rahilal?

Li naxsume li Santil Hu

Li Santil Hu naxkʼut naq yoʼyo laj Tza ut chanchan jun laj kamsinel li naroksi jalan jalanq li bʼalaqʼil naʼlebʼ ut li tikʼtiʼ re xtawbʼal li naraj. Joʼkan naq, «laj Tza naxpakʼ ribʼ choʼq xʼánjel li kutan saqenk» (2 Tesalonicenses 2:9, 10; 2 Corintios 11:14, Li Santil Hu, Sociedad Bíblica de Guatemala). Nakʼutunk chi tzʼaqal naq wank laj Tza xbʼaan li rahilal li naqakʼul.

Abʼan, moko saʼ xmaak ta laj Tza naq wank chixjunil li rahilal. Kʼaʼut naqaye aʼin? Naq li Yos kixyobʼtesi li winq kixbʼaanu naq troksi li xkʼaʼuxl re xkʼoxlankil ma tixbʼaanu li us malaj li inkʼaʼ us (Josué 24:15). Naq inkʼaʼ nokookʼoxlak chiʼus ut naqabʼaanu li inkʼaʼ us toj tento tqiiqani li rahilal li xqasikʼ (Gálatas 6:7, 8).