Ebʼ li chaabʼil naʼlebʼ re xtawbʼal xsahil aachʼool
«Jwal narahoʼk inchʼool rilbʼal chixjunil li maaʼusilal li yook chi kʼulmank saʼ xbʼeen li Ruuchichʼochʼ, joʼ li yalok u, li nebʼaʼil, ebʼ li yajel ut chanru nekeʼrahobʼtesiik ebʼ li kokʼal. Abʼanan, anaqwan wank chik woybʼenihom» (RANI).a
Li xRani kisahoʼk xchʼool naq kixtzol naq kaʼajwiʼ li Nimajwal Yos, laj Yobʼtesinel, naru naxkʼe qachoxahil naʼlebʼ. Naq yooqat rilbʼal li hu aʼin, kʼe reetal chanru truuq aatenqʼankil re naq:
Sahaq xchʼool laajunkabʼal.
Tatwanq saʼ tuqtuukilal rikʼinebʼ li junchʼol.
Sahaq saʼ aachʼool rikʼin li kʼaru wank aawe.
Taataw ru kʼaʼut naqakʼul li rahilal ut nokookamk.
Wanq aawoybʼenihom.
Tatruuq xnawbʼal ru laj Yobʼtesinel ut tatjiloq chixkʼatq.
Taakʼe ajwiʼ reetal naq li Yos moko kaʼaj tawiʼ naxkʼe li xchoxahil naʼlebʼ re wiibʼ oxibʼaq li kristiʼaan, naxkʼe bʼan choʼq rehebʼ chixjunilebʼ li nekeʼsikʼok re.
a Maawaʼ tzʼaqal xkʼabʼaʼebʼ.