Li Naxye li Santil Hu Natzʼaqlok Ru

Li Santil Hu naʼaatinak chirix li kikʼulmank chaq ut chirix li tkʼulmanq saʼ li kutan chaalel. Xbʼaan naq li Santil Hu musiqʼanbʼil xbʼaan li Yos. Laaʼo inkʼaʼ naqanaw li tkʼulmanq saʼ li kutan chaalel. Kʼaru naxye li Santil Hu chirix li kutan chaalel?

Li Santil Hu naʼaatinak chirix li nimla yalok, li tixkʼam chaq li Yos. Saʼ li yalok aʼin li Yos tixmes li Ruuchichʼochʼ. Trisi chixjunil li maaʼusilal ut li maaʼusebʼ xnaʼlebʼ, abʼan tixkolebʼ li nekeʼloqʼonink re. Li Jesus kixaqabʼaak xbʼaan li Yos re naq tixkʼam chaq li tuqtuukilal ut li sahil chʼoolejil saʼ xyanqebʼ li nekeʼpaabʼank re li Yos. Joʼkan ajwiʼ tixbʼaanu naq maaʼani chik tyajerq ut tkamq.

Li Yos tixkʼam chaq wiʼ chik li Sahilal Naʼajej arin saʼ Ruuchichʼochʼ. Abʼan, kʼaru tento tqabʼaanu wi naqaj wank saʼ li Sahilal Naʼajej? Saʼ li xraqik li tasal hu aʼin, naxye kʼaru tento tqabʼaanu re naq li Yos toorosobʼtesi. Joʼkan naq chaawil li naxye li XWAQXAQ Tasal ut tzol li naxye li Santil Hu chirix li tkʼulmanq saʼ li kutan chaalel.