Kʼaʼut oxloqʼ chaawu li tzʼaqal paabʼal?

Li moy u li kiril laj Ezequiel chirix li rochoch li Yos kixwaklesi xchʼoolebʼ laj Judiiy li keʼkʼameʼk saʼ jalan chik tenamit xbʼaan naq keʼxnaw naq li tzʼaqal paabʼal twaklesimanq wiʼ chik. Saʼ rosoʼjik li kutan, li tzʼaqal paabʼal xaqxo chi kaw saʼ xbʼeen li tzuul, ut laaʼo xkoho aran rochbʼenebʼ li poyanam re chixjunilebʼ li tenamit (Isa 2:2). Ma kʼaynaqat chi xkʼoxlankil kʼaru naraj xyeebʼal xnawbʼal ru li Jehobʼa ut kʼanjelak chiru?

KʼARU EBʼ LI OSOBʼTESINK NAQAKʼUL SAʼ XKʼABʼAʼ LI TZʼAQAL PAABʼAL?

• 

  Li Jehobʼa naxkʼe qe naabʼal li naʼlebʼ li naxsume ebʼ li patzʼom li wank xwankil ut naxkʼe li naʼlebʼ li tooxtenqʼa ut li qoybʼenihom li maajunwa traqeʼq (Isa 48:17, 18; 65:13; Ro 15:4).

• Yalaq bʼar wankebʼ li qechpaabʼanel li jwal nekeʼrahok (Sl 133:1; Jn 13:35).

• Kʼebʼil qe li maatan re kʼanjelak chiru li Yos ut aʼin naxsahobʼresi qachʼool (Hch 20:35; 1Co 3:9).

• Li xtuqtuukilal li Yos naxkʼe qametzʼew naq wanko saʼ chʼaʼajkilal (Flp 4:6, 7).

• Saq ru li qachʼool chiru li Yos (2Ti 1:3).

• Wanko saʼ amiiwil rikʼin li Jehobʼa (Sl 25:14).

Chanru tinruuq xkʼutbʼesinkil naq oxloqʼ chiwu li tzʼaqal paabʼal?