Chookʼanjelaq joʼ aj kʼamolbʼe saʼ li puktesink re xkʼebʼal xloqʼal li Jehobʼa

Wank xyaalalil naq ebʼ laj Israel keʼxnima ru li Jehobʼa xbʼaan naq kirisihebʼ Egipto ut kixkolebʼ chiruhebʼ laj puubʼ (Éx 15:1, 2). Li Jehobʼa toj yook xtenqʼankil li xtenamit. Chanru tqabʼanyoxi re? (Sl 116:12).

Naru tooʼoq joʼ aj kʼamolbʼe saʼ li puktesink rikʼin xkʼebʼal 50 malaj 70 hoonal. Qatzʼaamaq re li Jehobʼa naq tixkʼe saʼ qachʼool aʼin joʼ ajwiʼ li qametzʼew re xbʼaanunkil (Flp 2:13). Naabʼalebʼ nekeʼok xkʼebʼal 50 hoonal. Naru tqakʼe 30 malaj 50 hoonal saʼ marzo ut abril, ut naq t-ulaʼaniiq li qachʼuut. Naq naqil chanru naxkʼe xsahil qachʼool xkʼebʼal 50 hoonal, maare tqaj chik xbʼaanunkil 70. Wankebʼ nekeʼruuk xkʼebʼal 70 hoonal usta nekeʼkʼanjelak chixjunil li kutan malaj yajebʼ (mwb16.07 8). Relik chi yaal naq xkʼulubʼ li Jehobʼa naq tqakʼe qachʼool chi xkʼebʼal xloqʼal (1Cr 16:25).

NAQ AK XAAWIL LI BʼIDEO OXIBʼ LI HERMAAN RE MONGOLIA, TAASUME EBʼ LI PATZʼOM AʼIN:

• 

  Kʼaru li chʼaʼajkilal xeʼxqʼax ru, re naq teʼoq joʼ aj kʼamolbʼe saʼ li puktesink?

• 

  Kʼaru li osobʼtesihom xeʼxkʼul?

• 

  Xbʼaan naq nekeʼkʼamok bʼe saʼ li puktesink kʼaru chik xeʼruuk xbʼaanunkil saʼ li xtenamit li Yos?

• 

  Chanru xeʼxtenqʼa ebʼ li junchʼol rikʼin li xeʼxbʼaanu?