Kʼaru yookin xbʼaanunkil re naq tinsubʼeʼq saʼ haʼ?
QAYUʼAM JOʼ AJ PAABʼANEL
Qʼaxtesi laayuʼam chiru li Jehobʼa
Ma laaʼat jun li saaj malaj yookat xtzolbʼal li Santil Hu? Ma xaakʼoxla xsubʼal aawibʼ saʼ haʼ? Kʼaʼut tento taabʼaanu? Naq naqaqʼaxtesi li qayuʼam chiru li Jehobʼa ut naqasubʼ qibʼ saʼ haʼ, nokooʼok chi wank choʼq ramiiw ut naru tookoleʼq (Sl 91:1; 1Pe 3:21). Kʼaru taabʼaanu re naq taaqʼaxtesi laayuʼam chiru li Jehobʼa ut taasubʼ aawibʼ saʼ haʼ?
Paabʼ naq aʼin li yaal. Wi moko chʼolchʼo ta chaawu, sikʼ xkomon laanaʼlebʼ (Ro 12:2). Ma tento taajal laanaʼlebʼ? Wi joʼkan, bʼaanu xbʼaan naq nakaara li Jehobʼa (Pr 27:11; Ef 4:23, 24). Patzʼ re li Jehobʼa naq tatxtenqʼa ut aʼan tixkʼe li xsantil musiqʼej re naq tatruuq xbʼaanunkil (1Pe 5:10, 11). Wank rusilal naq taakʼe aachʼool xbʼaan naq qʼaxal us kʼanjelak chiru li Jehobʼa (Sl 16:11).
NAQ AK XAAWIL LI BʼIDEO LI NAʼEKʼASINK QE CHI XKUBʼSINKIL QAHAʼ, TAASUME EBʼ LI PATZʼOM AʼIN:
Kʼaru li chʼaʼajkilal xeʼruuk xqʼaxbʼal ru re naq teʼsubʼeʼq saʼ haʼ?
Kʼaru tatruuq xbʼaanunkil re naq taakawresi laapaabʼal re xqʼaxtesinkil laayuʼam chiru li Jehobʼa?
Kʼaʼut ak naabʼalebʼ xeʼxsubʼ ribʼ saʼ haʼ?
Chanru narosobʼtesihebʼ li Jehobʼa li nekeʼkʼanjelak chiru?
Kʼaru naraj xyeebʼal xqʼaxtesinkil laayuʼam chiru li Jehobʼa ut subʼeʼk saʼ haʼ?