QAYUʼAM JOʼ AJ PAABʼANEL
Wi nakaateʼxchʼiʼchʼiʼi, kʼojobʼ aachʼool rikʼin li Jehobʼa
Li chʼiʼchʼiʼink naru naxrahobʼtesi ut naxchʼina laachʼool. Naru ajwiʼ xchʼaʼajkinkil li qamiiwil rikʼin li Jehobʼa wi naqakanabʼ qibʼ chiruhebʼ li xikʼ nekeʼilok re li tzʼaqal loqʼonink. Chanru tatruuq xkolbʼal aawibʼ chiru li chʼiʼchʼiʼink?
Naabʼalebʼ xeʼxqʼax ru li chʼiʼchʼiʼink xbʼaan naq xeʼxkʼojobʼ xchʼool rikʼin li Jehobʼa (Sl 18:18). Jun eetalil, li xʼEster kixkʼe chi kutankil li xmaaʼusilal laj Hamán, li naxchʼiʼchʼiʼi li xtenamit li Yos (Est 7:1-6). Naq toj maajiʼ naxbʼaanu, kiʼayuunik re xkʼutbʼesinkil naq naxkʼojobʼ xchʼool rikʼin li Jehobʼa (Est 4:14-16). Li Jehobʼa kixkol li xʼEster, kirosobʼtesi ut kixkol li xtenamit.
Wi yookebʼ aachʼiʼchʼiʼinkil joʼ kixkʼul li xʼEster, patzʼ aatenqʼ re li Jehobʼa ut ye re li yookat xkʼulbʼal re junaq li wank xnaʼlebʼ, joʼ eetalil, naru nakaaye re laanaʼ malaj laayuwaʼ. Chʼolchʼooq chaawu naq li Jehobʼa ttenqʼanq aawe joʼ kixbʼaanu rikʼin li xʼEster. Kʼaru chik tatruuq xbʼaanunkil wi yookebʼ aachʼiʼchʼiʼinkil?
NAQ AK XAAWIL LI BʼIDEO NAQ SAAJAT: KʼARU TINBʼAANU WI NIKINEʼXCHʼIʼCHʼIʼI?, TAASUME EBʼ LI PATZʼOM AʼIN:
Kʼaru nekeʼxtzol ebʼ li saaj rikʼin li kixkʼul laj Charlie ut li xFerin?
Kʼaru nekeʼxtzol li naʼbʼej yuwaʼbʼej rikʼin li bʼideo aʼin?