Eb’ li yalok u | K’aru tixb’aanu li X’awab’ejilal li Yos?

Sa’ li Ruuchich’och’ yalaq b’ar wank li yalok u li naxk’am chaq numtajenaq li ch’a’ajkilal ut li rahilal. K’e reetal li naxye eb’ li esil a’in:

• «Sa’ li chihab’ xnume’k, q’axal wi’ chik xnumtaak xk’ihalil eb’ li kamenaq, sa’ xk’ab’a’ li yalok u li yook aran Etiopía ut Ucrania. Ink’a’ na’ilmank a’in chalen chaq li chihab’ 1994» (Instituto de Investigación para la Paz de Oslo, 7 re junio 2023).

• «Li yalok u aran Ucrania a’an jun reheb’ li kinimank ru sa’ li chihab’ 2022. Sa’ li chihab’ a’an, li raaxiik’ sa’ xk’ab’a’ eb’ li neke’awab’ejink kinumtaak 27% sa’ chixjunil li Ruuchich’och’, ut kixk’e sa’ rahilal 1,700 miyon chi poyanam» (Proyecto de Datos de Localización y Eventos de Conflictos Armados [ACLED], 8 re febrero 2023).

Li Santil Hu naxk’e qoyb’enihom. Naxye naq «li xYos li choxa tixwaklesi chaq jun awab’ejihom li maajun wa taajuk’manq» (Daniel 2:44, Li Santil Hu, Sociedad Bíblica de Guatemala, SBG). Rub’el li Awab’ejihom a’an, li Yos tch’anab’anq «re li yalok toj sa’ xmaril li ruuchich’och’» (Salmo 46:10, SBG).