Ebʼ li qas qiitzʼin inkʼaʼ chik nekeʼxkʼojobʼ xchʼool rikʼinebʼ li awabʼej | Kʼaru naxye li Santil Hu?

Saʼ li chihabʼ 2024 naabʼalebʼ li qas qiitzʼin nekeʼxsikʼ wank joʼ awabʼej, maajunwa ilbʼil ru li naʼlebʼ aʼin. Abʼanan naabʼalebʼ li qas qiitzʼin inkʼaʼ chik nekeʼxpaabʼ ebʼ li awabʼej.

• Saʼ jun li esil re Estados Unidos ebʼ li qas qiitzʼin xeʼxye naq «li xkʼihalil li nekeʼok joʼ awabʼej, kaʼajwiʼ nekeʼxsikʼ li us choʼq rehebʼ xjunes ut inkʼaʼ rehebʼ li qas qiitzʼin» (centro de investigación Pew Research Center, 19 re septiembre 2023).a

Naabʼalebʼ ajwiʼ li saaj inkʼaʼ chik nekeʼxpaabʼ ebʼ li awabʼej.

• «Ebʼ li saaj nekeʼraj xtuqubʼankil ru ebʼ li xninqal ru chʼaʼajkilal abʼan saʼ li esil nekeʼxye naq ebʼ li awabʼej inkʼaʼ nekeʼruuk xtuqubʼankil ru ebʼ li chʼaʼajkilal» (The New York Times, 29 re enero 2024).

• «Naq xeʼpatzʼeʼk re wiibʼ oxibʼ li saaj xeʼxye naq qʼaxal nekeʼxpaabʼ li nayeemank saʼ internet chiru li nekeʼxye ebʼ li awabʼej» (The Korea Times, 22 re enero 2024).

Abʼanan ma teʼruuq ebʼ li awabʼej xbʼaanunkil naq chaabʼilaq ebʼ li kutan chalk re? Ani aj ikʼin tooruuq xkʼojobʼankil qachʼool?

Kʼe reetal ani aj ikʼin nakaakʼojobʼ aachʼool

Weent tqabʼaanu rikʼin ani aj ikʼin naqakʼojobʼ qachʼool. Li Santil Hu naxye «li inkʼaʼ nakʼoxlak naxpaabʼ chixjunil li nayeheʼk re; li wank xnaʼlebʼ naxkʼe reetal bʼar yook chi xik» (Proverbios 14:15, Sociedad Bíblica de Guatemala SBG).

• Wi nakaawaj xnawbʼal bʼar wank li yaal chiru li bʼalaqʼil naʼlebʼ chaawil li naʼlebʼ «Chanru taakol aawibʼ chiru li naʼlebʼ li moko yaal ta».

Joʼkan ajwiʼ usta junaq li awabʼej chaabʼil nakʼanjelak ut naxyal xqʼe chi xbʼaanunkil li us choʼq re li tenamit, inkʼaʼ naru xbʼaanunkil chixjunil li naraj. Joʼkan naq li Santil Hu naxye:

• «Meesikʼ xkʼojobʼankil eechʼool rikʼinebʼ li xninqal ru winq: aʼan yal winqebʼ, ut inkʼaʼ naru texkoleʼq xbʼaanebʼ» (Salmo 146:3, SBG).

Jun li awabʼej li naru nakaakʼojobʼ wiʼ aachʼool

Li Santil Hu naxchʼolobʼ naq li Yos kixxaqabʼ jun li awabʼej li paabʼajel ut wank xnaʼlebʼ li maajun junaq joʼ aʼan aʼ li Jesukriist (Lucas 1:32, 33). Li Jesús aʼan li Awabʼej saʼ li Xʼawabʼejilal li Yos jun li Awabʼejilal li wank saʼ choxa (Mateo 6:10).

• Kʼe reetal kʼaʼut naru nakaakʼojobʼ aachʼool chirix li Jesús ut kʼaru tixbʼaanu re xtuqubʼankil ru chixjunil ebʼ li chʼaʼajkilal li naqanumsi. Yaabʼasi ebʼ li naʼlebʼ «Ani li Awabʼej re li Xʼawabʼejilal li Yos?» ut «Kʼaru tixbʼaanu li Xʼawabʼejilal li Yos?».