Li Jesukriist tixsach li nimla yalok u

Naq kiwank saʼ ruuchichʼochʼ, kixkʼutbʼesi naq jwal nokooxra, toj reetal kixkʼe li xyuʼam chiqix (Mateo 20:28; Juan 15:13). Chi seebʼ tixkʼutbʼesi naq qʼaxal wiʼ chik nokooxra: joʼ awabʼej re li xʼawabʼejihom li Yos, tixsachebʼ «li yalok u toj saʼ xmaril li ruuchichʼochʼ» (Salmo 46:10 Li Santil Hu, Sociedad Bíblica de Guatemala, SBG).

Chaawil li naxye li Santil Hu chirix li tixbʼaanu li Jesús:

• «Aʼan taakoloq re li nebʼaʼ li yo chi tzʼaamank, aʼ li toqʼobʼ ru li inkʼaʼ natenqʼaak xbʼaan anihaq. Taaruxtaana ruhebʼ li nebʼaʼ ut li wankebʼ saʼ rajbʼal ru, tixkolebʼ xyuʼam li qʼaxal ra wankebʼ. Aʼan taaʼisinq rehebʼ saʼ li raasa ut li rahobʼtesiik» (Salmo 72:12-14, SBG).

Chanru naqakʼutbʼesi naq naqabʼanyoxi li ak kixbʼaanu chaq ut li yook xbʼaanunkil chiqix? Jun rehebʼ aʼan xtzolbʼal xkomon qanaʼlebʼ chirix «li chaabʼil esil chirix li Xʼawabʼejilal li Yos» li kixkʼe resil li Jesús (Lucas 4:43). Chaawil li naʼlebʼ: «Kʼaru li Xnimajwal Awabʼejilal li Yos?»