Chanru tqataw li sahil chʼoolejil chiruhebʼ li kutan aʼin? | Kʼaru naxye li Santil Hu?

Saʼebʼ li kutan aʼin, maakʼaʼ tooruuq xbʼaanunkil re xkolbʼal qibʼ chiruhebʼ li rahilal. Usta joʼkan naru tqataw li sahil chʼoolejil, maakʼaʼ naxye chanru li qawanjik. Abʼan li Santil Hu naxye naq «choʼq re li sa saʼ xchʼool, chanchan junelik ninqʼe» usta wank xchʼaʼajkilal (Proverbios 15:15, Li Santil Hu, Sociedad Bíblica de Guatemala, SBG). Kʼaru tatruuq xbʼaanunkil re xtawbʼal li sahil chʼoolejil? Li Santil Hu tatxtenqʼa. Kʼe reetal li naʼlebʼ aʼin.

Qʼax ru li rahil chʼoolej

Li Santil Hu naxye: «Li rahil chʼoolej naxluktesi xchʼool li winq; aʼut li chaabʼil aatin naxsahobʼresi» (Proverbios 12:25, SBG).

• Li Santil Hu truuq aatenqʼankil chi xqʼaxbʼal ru li rahil chʼoolej. Taawil li naʼlebʼ «¿Qué dice la Biblia sobre la ansiedad?».

Sikʼebʼ aawamiiw re naq inkʼaʼ taawekʼa aawibʼ aajunes

Li Santil Hu naxye: «Li tzʼaqal amiiw junelik narahok; saʼ xqʼehil junaq rahilal tatxtenqʼa joʼ junaq tzʼaqal asbʼej» (Proverbios 17:17, SBG).

• Li Santil hu naxye naq ebʼ li qamiiw teʼruuq qatenqʼankil re naq inkʼaʼ tqekʼa qibʼ qajunes. Taawil li naʼlebʼ «Sikʼebʼ aawamiiw ut maawekʼa chik aawibʼ aajunes: Li Santil Hu naru natenqʼank aawe».

Chaara li Yos ut ebʼ laawas aawiitzʼin

Li Santil Hu naxye: «“Taara li Jehobʼa Laayos chi anchal laachʼool, chi anchal laayuʼam ut chi anchal laakʼaʼuxl”. […] “Taara laawas aawiitzʼin joʼ naq nakaara aawibʼ”»a (Mateo 22:37-39).

• Naq rajlal nokootijok, aʼin nokooxtenqʼa chi xraabʼal li Yos. Wi nakaawaj xnawbʼal xkomon chirix aʼin, taawil li naʼlebʼ «Ma narabʼi li qatij li Yos?»

• Naqakʼutbʼesi naq naqarahebʼ li junchʼol naq naqabʼaanu rehebʼ li naqaj naq tbʼaanumanq qe. Wi nakaawaj xnawbʼal xkomon chirix aʼin, taawil li naʼlebʼ «¿Qué es la Regla de Oro?»

Li Santil Hu truuq aatenqʼankil chi xtawbʼal li sahil chʼoolejil chiruhebʼ li kutan aʼin. Patzʼ aatzolbʼal chirix li Santil Hu chi sibʼil.