BʼICH 75
Wayeʼin, taqlahin!
(Isaías 6:8)
1. Wankebʼ li nekeʼxmaajewa
xkʼabʼaʼ li Qayuwaʼ Jehobʼa.
Li jip naxye chisaʼ li xchʼool:
«Relik chi yaal maakʼaʼ li Yos».
Ani tixkol xkʼabʼaʼ li Yos?
Ani tixye li xbʼaanuhom?
(XYEEBʼAL WIʼ CHIK 1)
Weʼkin arin, chinaataqla!
Laaʼin tinkol rix laakʼabʼaʼ!
Kaʼloqʼ oxloqʼ choʼq we laaʼin, Yos.
Wayeʼin Yos, taqlahin!
2. «Nabʼayk li Yos» naxye li winq,
li pechʼbʼil yos naroxloqʼi.
Naxkʼe rehebʼ li awabʼej
kʼaru yal re li Yuwaʼbʼej.
Ani tixye naq yook chi chalk
li xkutankil li Nimajwal?
(XYEEBʼAL WIʼ CHIK 2)
Weʼkin arin, chinaataqla!
Tinye rehebʼ li tkʼulmanq.
Kaʼloqʼ oxloqʼ choʼq we laaʼin, Yos.
Wayeʼin Yos, taqlahin!
3. Naabʼal li ra wankebʼ saʼ xchʼool
nekeʼyaabʼak chiru li Yos.
Yookebʼ xsikʼbʼal tuqtuukilal,
sahil chʼoolej ut tzʼaqal yaal.
Ani naraj xtenqʼankilebʼ?
Ani tixkʼut li yaal rehebʼ?
(XYEEBʼAL WIʼ CHIK 3)
Weʼkin arin, chinaataqla!
Laaʼin tinpuktesi li yaal
Kaʼloqʼ oxloqʼ choʼq we laaʼin, Yos.
Wayeʼin Yos, taqlahin!
(Chaawil ajwiʼ Sal. 10:4; Ezeq. 9:4).