Qatenqʼahebʼ re naq Kawaqebʼ saʼ li Xpaabʼal

Nasahoʼk saʼ qachʼool naq li Jehobʼa yook rosobʼtesinkil li xkʼanjel! (Deut. 28:2.) Rajlal chihabʼ naxqʼax 250.000 yookebʼ chi subʼeʼk saʼ haʼ. Wankebʼ laj puktesinel nekeʼxkanabʼ xtenqʼankil li xtzolom naq ak xsubʼeʼk saʼ haʼ ut nekeʼok xtenqʼankil jalan chik. Wankebʼ ajwiʼ li tzolom nekeʼxkanabʼ li xtzolbʼal chirix li Santil Hu re xbʼaanunkil naabʼal li hoonal saʼ li puktesink. Abʼan aajel ru naq kaw xaqxooqebʼ saʼ li xpaabʼal ut wanq xxeʼil li yaal saʼebʼ li xchʼool (Col. 2:6, 7; 2 Tim. 3:12). Joʼkan bʼiʼ, naq junaq li tzolom ak xsubʼeʼk saʼ haʼ, inkʼaʼ tixkanabʼ tzolok chirix li Santil Hu toj reetal naq tixchoy li wiibʼ chi tasal hu: Kʼaru Naxchʼolobʼ? ut «Xrahom li Yos» (chaawil li hu Li Qakʼanjel Chirix li Yos re li po Abril 2011, perel 2 saʼ kaxlan aatin).