14 “Ntangu nge ta kota na insi yina Yehowa Nzambi na nge ke pesa nge mpi ntangu nge ta baka yo mpi ta zinga na kati na yo, ebuna nge tuba nde, ‘Bika mono tula ntotila mosi na zulu na mono bonso makanda yonso yina kele na nziunga na mono,’+ 15 nge fwete tula kibeni ntotila yina Yehowa Nzambi na nge ta sola.+ Nge fwete tula ntotila yina me katuka na kati ya bampangi na nge. Nge fwete tula ve munzenza yina kele ve mpangi na nge na zulu na nge.

19 Kansi bubu yai beno me buya Nzambi+ yina vandaka Ngulusi na beno na mambu na beno yonso ya mbi mpi na bampasi na beno yonso, mpi beno me tuba nde: “Ve, nge fwete tudila beto ntotila yina ta yalaka beto.” Ntangu yai beno telama na ntwala ya Yehowa na kutadila makanda na beno mpi na kutadila mafunda* na beno.’”

43 Yai bantotila yina yalaka na insi ya Edomi+ na ntwala nde ata ntotila mosi kuyala bantu ya Izraele:*+ Bela mwana ya Beore; zina ya mbanza na yandi vandaka Dinaba. 44 Ntangu Bela fwaka, Yobabi mwana ya Zera muntu ya Bosra+ yantikaka kuyala na kisika na yandi. 45 Ntangu Yobabi fwaka, Ushami muntu ya insi ya bantu ya Temani yantikaka kuyala na kisika na yandi. 46 Ntangu Ushami fwaka, Adadi mwana ya Bedadi, yina bedisaka Madiani na ntoto* ya Moabi, yantikaka kuyala na kisika na yandi. Zina ya mbanza na yandi Aviti. 47 Ntangu Adadi fwaka, Samla muntu ya Masreka yantikaka kuyala na kisika na yandi. 48 Ntangu Samla fwaka, Shaule muntu ya Rehoboti na lweka ya Nzadi yantikaka kuyala na kisika na yandi. 49 Ntangu Shaule fwaka, Baale-anani mwana ya Akbore yantikaka kuyala na kisika na yandi. 50 Ntangu Baale-anani fwaka, Adadi yantikaka kuyala na kisika na yandi. Zina ya mbanza na yandi Pau, mpi zina ya nkento na yandi Mehetabele, mwana ya Matredi, mwana ya Mezahabi.