3 diboko ya Yehowa+ ta kwisa kufwa bitwisi na nge yina kele na nseke. Mpasi ya lufwa+ ta bwila bampunda ya bitumba, bampunda ya fioti, bashamo, bangombe, mpi mameme.

11 Ebuna Yehowa tubilaka Moize nde: “Mono ke natila Farao mpi Ezipte mpasi ya nkaka. Na nima yandi ta bika beno beno katuka awa.+ Ntangu yandi ta bika beno beno kwenda, yandi ta kula beno kibeni na kukatuka na kisika yai.+

29 Ebuna na midi ya mpimpa, Yehowa fwaka konso mwana ya ntete na insi ya Ezipte,+ yantika na mwana ya ntete ya Farao yina vandaka na kiti na yandi ya kimfumu tii na mwana ya ntete ya mpika yina vandaka na boloko,* mpi konso mwana ya ntete ya bambisi.+

31 Na mbala mosi yandi bingaka Moize ti Aroni+ na mpimpa mpi tubaka nde: “Beno telama, beno basika na kati ya bantu na mono, beno ti bantu ya nkaka ya Izraele. Beno kwenda mpi beno sadila Yehowa, kaka mutindu beno tubaka.+