5 Nge fwete tunga mpi mesa-kimenga kuna sambu na Yehowa Nzambi na nge, mesa-kimenga ya matadi. Nge fwete sadila ve bisadilu ya bibende na zulu na yo.+

30 Na ntangu yina Yozue tungaka mesa-kimenga sambu na Yehowa Nzambi ya Izraele na Ngumba ya Ebale,+ 31 kaka mutindu Moize nsadi ya Yehowa songaka bantu ya Izraele mpi mutindu bo sonikaka na mukanda ya Nsiku+ ya Moize nde: “Mesa-kimenga ya matadi ya mvimba, yina kisadilu ya kibende me lutaka ve na zulu na yo.”+ Bo pesaka Yehowa makabu ya kuyoka mpi bimenga ya kinduku na zulu na yo.+