5 Ebuna kana beno lemfukila kibeni ndinga na mono mpi beno zitisa kuwakana na mono, beno ta kuma kibeni kima na mono ya mfunu mingi* na kati ya bantu yonso,+ sambu ntoto ya mvimba kele ya mono.+ 6 Beno ta kuma sambu na mono kimfumu ya banganga-nzambi mpi dikanda ya santu.’+ Yai mambu yina nge ta tubila bantu ya Izraele.”

28 “Nge fwete lemfukila mbote-mbote mambu yai yonso ya mono ke songa nge, na mpila nde mambu kukwendila ntangu yonso mbote sambu na nge ti bana na nge, sambu nge ke sala mambu yina kele mbote mpi ya kusungama na meso ya Yehowa Nzambi na nge.