5 Sambu konso muntu yina bo me baka na kati ya bantu sambu yandi vanda nganga-nzambi ya nene, bo ke tulaka yandi sambu na mambote ya bantu na mambu ya Nzambi,+ sambu yandi pesa makabu mpi bimenga sambu na masumu.+ 2 Bantu yina me konda nzayilu mpi bantu yina ke salaka bifu,* yandi lenda sadila bo mambu ti mawa,* sambu yandi mosi mpi ke bwaka na masumu, 3 mpi sambu na kikuma yina, yandi fwete pesa makabu sambu na masumu na yandi mosi mutindu yandi ke pesaka sambu na masumu ya bantu.+