5 Bo vandaka kubinga Loti na ndinga ya ngolo mpi kutubila yandi nde: “Wapi babakala yina kotaka na nzo na nge na mpimpa? Basisila beto bo sambu beto vukisa nitu ti bo.”+

13 “‘Kana bakala mosi kulala ti bakala ya nkaka mutindu bo ke lalaka ti nkento, bo zole me sala diambu ya nzanzi.+ Bo fwete fwa bo kibeni. Menga na bo kele na ntu na bo mosi.

22 Ntangu bo vandaka kuwa kiese, babakala ya nkaka ya kukonda mfunu ya mbanza yina ziungaka nzo mpi bo vandaka kubula na kielo, ebuna bo landaka kutuba na mbuta-muntu yina vandaka munkwa-nzo nde: “Basisa muntu yina me kota na nzo na nge, sambu beto vukisa nitu ti yandi.”+

26 Yo yina Nzambi pesaka bo na nzala ya ngolo ya kuvukisa nitu ya bo ke yalaka ve,+ sambu bankento na bo me bikaka mutindu yina me fwana ya kuvukisa nitu mpi bo me kumaka kuvukisa nitu na mutindu yina me fwana ve;+ 27 mutindu mosi mpi, babakala me bikaka mutindu yina me fwana ya kuvukisa nitu ti nkento mpi bo me fulukaka ti nzala ya ngolo ya kuvukisa nitu bo na bo, babakala ti babakala,+ bo ke salaka mambu ya nsoni mpi bo ke baka ndola* ya kukuka, yina me fwana sambu na mambu na bo ya mbi.+

9 Keti beno ke zaba ve nde bantu ya kukonda lunungu ta baka ve* Kimfumu ya Nzambi?+ Beno kudikusa ve. Bantu ya ke salaka pite,*+ bantu ya ke sambilaka biteki,+ bantu ya ke salaka bizumba,+ babakala yina ke pesaka nzila nde bo vukisa nitu ti bo na mutindu yina me fwana ve,+ babakala yina ke ladisaka babakala ya nkaka,*+ 10 miyibi, bantu ya lukasi,+ bantu ya ke lawukaka malafu,+ bantu ya ke fingaka, to bantu ya ke botulaka bima ya bantu ya nkaka ta baka ve Kimfumu ya Nzambi.+

7 Mutindu mosi mpi Sodome ti Gomore ti bambanza yina vandaka pene-pene na bo kudipesaka mpi na pite* ya mingi, mpi bo lungisaka banzala ya kinsuni+ na mutindu yina me fwana ve; bo bakaka ndola ya tiya ya mvula na mvula,+ mpi na mutindu yina bo kele mbandu ya ke kebisa sambu na beto.