27 “Kansi, kilumbu ya kumi ya ngonda yai ya nsambwadi kele Kilumbu ya Kufika Masumu.+ Beno fwete sala lukutakanu mosi ya santu, mpi beno fwete kudimonisa* mpasi+ mpi kupesa Yehowa dikabu yina bo me yoka na tiya. 28 Beno fwete sala ve ata kisalu mosi ya ngolo na kilumbu yai ya mfunu sambu yo kele kilumbu ya kufika masumu sambu na kufika masumu+ na beno na ntwala ya Yehowa Nzambi na beno. 29 Konso muntu* yina ta kudipesa ve mpasi* na kilumbu yai, bo fwete katula* yandi na kati ya bantu na yandi.+ 30 Ebuna konso muntu* yina ke sala konso kisalu na kilumbu yina, mono ta fwa yandi na kati ya bantu na yandi. 31 Beno fwete sala ve ata kisalu mosi. Yo kele nsiku ya mvula na mvula sambu na bandonga na beno yonso ya bantu na bisika yonso ya beno ke zinga.