• Yozue 20:2, 3
    Biblia—Mbalula ya Nsi-Ntoto ya Mpa

    • 2 “Songa bantu ya Izraele nde, ‘Beno sola bambanza ya kutinina+ yina mono zabisaka beno na nzila ya Moize, 3 sambu muntu yina me fwa muntu* kukonda kukana to na luzolo ve* kutina kuna. Mpi yo ta vanda bisika ya beno ta tininaka muntu yina ke vutula mbi sambu na menga.+

  • Yozue 20:7, 8
    Biblia—Mbalula ya Nsi-Ntoto ya Mpa

    • 7 Yo yina, bo santisaka* Kedeshi+ na Galilea na ntoto ya bangumba ya Naftali, Shekemi+ na ntoto ya bangumba ya Efrayimi, mpi Kiriati-arba,+ disongidila, Ebroni, na ntoto ya bangumba ya Yuda. 8 Pene-pene ya Yordani, na esti ya Yeriko, bo solaka Besere+ na ntoto-makanga na zulu ya ngumba na dikanda ya Rubeni, Ramoti+ na Gileadi na dikanda ya Gadi, mpi Golani+ na Bashani na dikanda ya Manase.+

  • Yozue 21:27
    Biblia—Mbalula ya Nsi-Ntoto ya Mpa

    • 27 Bana ya Gershoni+ yina vandaka na kati ya mabuta ya Balevi bakaka na ndambu ya dikanda ya Manase mbanza yina muntu yina me fwa muntu fwete tinina, disongidila, Golani,+ yina kele na Bashani, ti banseke na yo, mpi Beshetera ti banseke na yo—bambanza zole.

  • Yozue 21:32
    Biblia—Mbalula ya Nsi-Ntoto ya Mpa

    • 32 Na dikanda ya Naftali bo bakaka: mbanza ya kutinina+ sambu na muntu yina me fwa muntu, disongidila, Kedeshi+ na Galilea ti banseke na yo, Amoti-dore ti banseke na yo, mpi Kartani ti banseke na yo—bambanza tatu.