25 Kisalu ya bana ya Gershoni+ na tenta ya lukutakanu vandaka ya kukeba nzo-tenta mpi tenta,+ lele ya kufika yo,+ rido+ ya munoko ya tenta ya lukutakanu, 26 barido+ ya ke lela ya kibansala, rido+ ya munoko ya kibansala yina kele na nziunga ya nzo-tenta mpi mesa-kimenga, bansinga na yo ya tenta, mpi bisalu yonso ya me tala bima yai.

30 Mfumu ya nzo ya batata ya mabuta ya bana ya Kohati vandaka Elisafani mwana ya Uziele.+ 31 Bo vandaka ti kiyeka ya kutala Sanduku,+ mesa,+ kima ya kutudila minda,+ bamesa-kimenga,+ bisadilu+ yina bo ke sadilaka sambu na kusala kisalu na kisika ya santu, rido,+ mpi bisalu yonso ya me tala bima yai.+

36 Bana ya Merari vandaka na kisalu ya kukengila makunzi+ ya nzo-tenta, banti+ na yo, makunzi+ na yo ya nene, mabulu na yo, bisadilu+ na yo yonso, mpi bisalu yonso ya me tala bima yai,+ 37 mpi makunzi yina vandaka na nziunga ya kibansala mpi mabulu,+ bapike ya tenta, mpi bansinga ya tenta.