6 “Nata dikanda ya Levi,+ mpi tedimisa bo na ntwala ya nganga-nzambi Aroni, mpi bo ta sadila+ yandi. 7 Bo ta lungisa bisalu na bo sambu na yandi mpi sambu na dibundu ya mvimba na ntwala ya tenta ya lukutakanu na ntangu bo ke sala kisalu na bo yina me tala nzo-tenta.

18 Yehowa tubilaka Aroni nde: “Nge ti bana na nge mpi nzo ya batata na nge, beno ta vutula munoko sambu na konso kifu yina bantu ta sala na kisika ya santu,+ mpi nge ti bana na nge, beno ta vutula munoko sambu na konso kifu yina bantu ta sala na kinganga-nzambi na beno.+