6 Yehowa vandaka kuluta na ntwala na yandi mpi kutuba nde: “Yehowa, Yehowa, Nzambi yina ke wilaka bantu mawa+ mpi ke fwilaka bo nkenda,*+ yandi ke waka makasi+ nswalu ve mpi kele ya kufuluka na zola ya kwikama*+ mpi kieleka,*+ 7 yandi ke monisilaka mafunda ya bantu zola ya kwikama,+ yandi ke lolulaka kifu, mambu ya mbi, mpi disumu,+ kansi yandi ta pesa kibeni ndola+ na muntu yina me sala mbi, mpi sambu na kifu ya batata yandi ke pesaka ndola na bana, na bantekolo, na ndonga ya tatu ya bantu, mpi na ndonga ya iya ya bantu.”+