14 “Ntangu nge ta kota na insi yina Yehowa Nzambi na nge ke pesa nge mpi ntangu nge ta baka yo mpi ta zinga na kati na yo, ebuna nge tuba nde, ‘Bika mono tula ntotila mosi na zulu na mono bonso makanda yonso yina kele na nziunga na mono,’+ 15 nge fwete tula kibeni ntotila yina Yehowa Nzambi na nge ta sola.+ Nge fwete tula ntotila yina me katuka na kati ya bampangi na nge. Nge fwete tula ve munzenza yina kele ve mpangi na nge na zulu na nge.

13 Ntangu yai ntotila yina beno me sola yandi yai, ntotila yina beno lombaka. Tala! Yehowa me tudila beno ntotila.+

21 Kansi na nima, bo lombaka ntotila,+ mpi Nzambi pesaka bo Saule mwana ya Kisi, muntu ya dikanda ya Benyamini;+ yandi yalaka bamvula 40.