3 Nge me zaba mbote nde tata na mono Davidi kukaka ve kutunga nzo sambu na zina ya Yehowa Nzambi na yandi sambu na bitumba yina bo vandaka kunwanisa yandi na bandambu yonso, tii kuna Yehowa tulaka bambeni na yandi na nsi ya makulu na yandi.+

17 Mpi nzala ya ntima ya tata na mono Davidi vandaka ya kutunga nzo sambu na zina ya Yehowa Nzambi ya Izraele.+ 18 Kansi Yehowa tubilaka tata na mono Davidi nde, ‘Nzala ya ntima na nge vandaka ya kutunga nzo sambu na zina na mono, mpi nge salaka mbote na kuvanda ti nzala yai na ntima na nge. 19 Ata mpidina, nge ta tunga ve nzo yina, kansi mwana na nge yina nge ta buta,* yandi muntu ta tunga nzo sambu na zina na mono.’+

4 Kwenda kutubila nsadi na mono Davidi nde, ‘Yehowa me tuba nde: “Nge ve muntu ta tungila mono nzo ya mono ta zinga.+ 5 Sambu katuka kilumbu yina mono basisaka Izraele tii bubu yai, mono me zingaka ve na nzo, kansi mono vandaka kuzinga bubu na tenta yai mbasi na tenta ya nkaka, mpi bubu na nzo-tenta yai mbasi na nzo-tenta ya nkaka.*+ 6 Na ntangu yonso yina mono vandaka kukwenda ti Izraele ya mvimba, keti mono tubaka ata ngogo mosi na bazuzi ya Izraele yina mono tulaka sambu na kugungula bantu na mono Izraele nde, ‘Sambu na nki beno me tungila mono ve nzo ya banti ya sedre?’”’

7 Davidi songaka mwana na yandi Salomo nde: “Sambu na mono, nzala ya ntima na mono vandaka ya kutunga nzo sambu na zina ya Yehowa Nzambi na mono.+ 8 Kansi ndinga ya Yehowa kwisilaka mono nde, ‘Nge me tiamunaka menga mingi, mpi nge me nwanaka bitumba ya nene. Nge ta tunga ve nzo sambu na zina na mono,+ sambu nge me tiamunaka menga mingi na ntoto na ntwala na mono.