7 Ebuna Elisha tubaka nde, “Beno wa mambu yina Yehowa ke tuba. Yehowa ke tuba nde: ‘Mbasi na ntangu yai, na kielo* ya Samaria, ntalu ya seya* mosi ya fufu ya kitoko ta kuma shekele* mosi, mpi ntalu ya baseya zole ya orze ta kuma shekele mosi.’”+ 2 Ebuna soda yina ntotila vandaka kutudila ntima tubilaka muntu ya Nzambi ya kieleka nde: “Ata kana Yehowa fwete kangula bakielo ya zulu, keti diambu* yai lenda salama?”+ Yandi tubaka nde: “Nge ta mona yo na meso na nge,+ kansi nge ta dia yo ve.”+