10 Ebuna Davidi lalaka sambu na kupema ti ba-nkaka na yandi mpi bo zikaka yandi na Mbanza ya Davidi.+

18 Na nima ya mambu yina yonso, Yehowa tindilaka yandi maladi ya misopo+ yina bo lenda belula ve. 19 Ntangu fioti na nima, ntangu bamvula zole ya mvimba lutaka, misopo na yandi basikaka sambu na maladi yina, mpi yandi fwaka ntangu yandi vandaka kumona mpasi ya ngolo sambu na maladi na yandi; mpi bantu na yandi yokilaka yandi ve bima ya nsudi ya kitoko mutindu bo salaka na ba-nkaka na yandi.+ 20 Yandi vandaka na bamvula 32 ntangu yandi kumaka ntotila, mpi yandi yalaka bamvula nana na Yeruzalemi. Muntu mosi ve waka mawa ntangu yandi fwaka. Yo yina bo zikaka yandi na Mbanza ya Davidi,+ kansi na maziamu ya bantotila ve.+