8 Ntangu yai tubila nsadi na mono Davidi nde, ‘Yehowa ya makesa me tuba nde: “Mono bakaka nge na banseke, sambu nge yambula kukeba mameme,+ mpi nge kuma ntwadisi ya bantu na mono Izraele.+

18 Ebuna ntotila Davidi kotaka, yandi vandaka na ntwala ya Yehowa, mpi yandi tubaka nde: “O Yehowa Mfumu ya Kuluta Nene, mono kele nani? Mpi nzo na mono kele nki sambu nge nata mono ntama mutindu yai?+ 19 O Yehowa Mfumu ya Kuluta Nene, bonso nde yo me lunga ve, nge ke tuba mpi sambu na nzo ya nsadi na nge tii na bilumbu yina ke kwisa ntama na ntwala; mpi yai kele malongi* sambu na bantu yonso, O Yehowa Mfumu ya Kuluta Nene. 20 O Yehowa Mfumu ya Kuluta Nene, inki ya nkaka nsadi na nge Davidi lenda tubila nge diaka, sambu nge me zaba mono mbote-mbote?+