14 Mpi mono ta bika nde beno mona mono,’+ Yehowa muntu me tuba. ‘Mono ta vukisa bantu na beno yina kele na kimpika mpi mono ta vukisa beno katuka na makanda yonso mpi na bisika yonso yina mono panzaka beno,’+ Yehowa muntu me tuba. ‘Mpi mono ta vutula beno na kisika yina mono bakaka beno mpi tindaka beno na insi ya nkaka.’+

42 “Sambu Yehowa ke tuba nde, ‘Kaka mutindu mono me natila bantu yai mpasi yai yonso ya nene, mutindu mosi mpi mono ta natila bo mambu yonso ya mbote* ya mono ke sila bo.+

10 “Yehowa ke tuba nde: ‘Na kisika yai ya beno ta tuba nde yo kele ntoto ya mpamba, ya me konda bantu mpi bitwisi, na bambanza ya Yuda mpi na babala-bala ya Yeruzalemi yina kele mpamba, kukonda bantu, bantu yina ke zinga kuna, to bitwisi, kuna bo ta wa diaka 11 makelele ya kuyangalala mpi milolo ya kiese,+ ndinga ya bakala yina ke kwela mpi ndinga ya nkento yina ke kwela, ndinga ya bantu yina ke tuba nde: “Beno pesa Yehowa ya makesa matondo, sambu Yehowa kele mbote;+ zola na yandi ya kwikama ke zingaka kimakulu!”’+

“‘Bo ta nata makabu ya kupesa matondo na nzo ya Yehowa,+ sambu mono ta vutula bantu ya insi yai yina kwendaka na kimpika, bonso na luyantiku,’ Yehowa muntu ke tuba.”