21 Ebuna na mwini Yehowa vandaka kukwenda na ntwala na bo na dikunzi ya dituti sambu na kutwadisa bo na nzila,+ mpi na mpimpa na dikunzi ya tiya sambu na kupesa bo nsemo, mpidina bo lendaka kusala nzietelo na mwini mpi na mpimpa.+

19 Ebuna wanzio ya Nzambi ya kieleka+ yina vandaka kukwenda na ntwala ya camp ya Izraele katukaka na ntwala mpi vutukaka na nima na bo, mpi dikunzi ya dituti yina vandaka na ntwala na bo katukaka na ntwala mpi kwendaka na nima mpi telamaka na nima na bo.+ 20 Ebuna yo kwisaka na kati-kati ya camp ya bantu ya Ezipte mpi camp ya Izraele.+ Na ndambu mosi, yo vandaka dituti ya ndombe. Na ndambu ya nkaka yo vandaka kupesa nsemo na mpimpa.+ Yo yina camp mosi pusanaka ve pene-pene na camp ya nkaka mpimpa ya mvimba.