• 2 Bantotila 22:18, 19
    Biblia—Mbalula ya Nsi-Ntoto ya Mpa

    • 18 Kansi sambu na ntotila ya Yuda yina tindaka beno na kuyula Yehowa, beno fwete tubila yandi nde, “Yehowa Nzambi ya Izraele me tuba nde: ‘Sambu na mambu yina nge me wa, 19 sambu ntima na nge vandaka bulemfu* mpi nge kudikulumusaka+ na ntwala ya Yehowa ntangu nge waka mambu yina mono tubaka sambu na kisika yai mpi bantu na yo—nde bo ta kuma kima ya ke pesa boma mpi lusingu—ebuna nge pasulaka bilele na nge+ mpi nge dilaka na ntwala na mono, mono mpi me wa nge, Yehowa muntu me tuba.

  • 2 Bansangu 33:13
    Biblia—Mbalula ya Nsi-Ntoto ya Mpa

    • 13 Manase landaka kusamba Nzambi, ebuna yandi waka kisambu na yandi mpi diambu ya yandi lombaka sambu yandi wila yandi mawa, mpi Nzambi vutulaka yandi na Yeruzalemi na kimfumu na yandi.+ Ebuna Manase zabaka nde Yehowa kele Nzambi ya kieleka.+

  • Yezaya 57:15
    Biblia—Mbalula ya Nsi-Ntoto ya Mpa

    • 15 Yai mambu yina Muntu ya Zulu me tuba,

      Muntu yina ke zingaka kimakulu+ mpi yina zina na yandi kele ya santu:+

      “Mono ke zingaka na kisika mosi ya kunanguka mpi ya santu,+

      Kansi mpi ti bantu yina ke niokwama mpi yina kele ti mabanza ya kudikulumusa,

      Sambu na kupesa diaka kikesa na mabanza ya bantu ya kukonda mfunu

      Mpi sambu na kupesa diaka ngolo na ntima ya bantu yina ke niokwama.+

  • Luka 15:22-24
    Biblia—Mbalula ya Nsi-Ntoto ya Mpa

    • 22 Kansi tata tubilaka bampika na yandi nde, ‘Beno nata nswalu mvwela mosi ya kuluta kitoko, ebuna beno lwatisa yandi; beno lwatisa yandi mpi lupeto na musapi mpi basandale na makulu. 23 Diaka, beno nata mwana-ngombe ya mafuta, beno fwa yo, beto dia mpi beto sala nkinsi, 24 sambu mwana na mono yai fwaka kansi yandi me vutuka na luzingu;+ yandi vilaka mpi yandi me monana.’ Ebuna bo yantikaka kuyangalala.

  • Luka 18:13, 14
    Biblia—Mbalula ya Nsi-Ntoto ya Mpa

    • 13 Kansi kalaki ya mpaku telamaka mwa ntama, yandi zolaka nkutu ve kutala na zulu kansi yandi vandaka kubula ntulu na yandi mpi kutuba nde, ‘O Nzambi, fwila mono nkenda,* mono kele nsumuki.’+ 14 Mono ke tubila beno nde, muntu yai vutukaka na nzo na yandi mpi yandi monanaka muntu ya lunungu kuluta Mufarize yina.+ Sambu konso muntu yina ke kudinangula, bo ta kulumusa yandi, kansi konso muntu yina ke kudikulumusa bo ta nangula yandi.”+