9 Na nima, Yehowa yulaka Kaini nde: “Mpangi na nge Abele kele na wapi?” Kaini tubaka nde: “Mono me zaba ve. Keti mono kele nkengidi ya mpangi na mono?” 10 Ebuna Nzambi tubaka nde: “Nge me sala inki? Wa! Menga ya mpangi na nge ke didila mono na ndinga ya ngolo tuka na ntoto.+

5 Diaka, mono ta sambisa beno sambu na menga ya luzingu na beno.* Mono ta lomba konso kigangwa ya ke zingaka na kuvutula munoko; mpi mono ta lomba konso muntu na kuvutula munoko sambu na luzingu ya mpangi na yandi.+

24 Yehu bakaka munduki na yandi ya tolo-tolo na diboko, yandi bulaka Yehorami na kati-kati ya mapeka, mpi tolo-tolo basikaka na ntima na yandi, mpi yandi bwaka na pusu-pusu na yandi ya bitumba.

26 ‘“Ya kieleka mutindu mono monaka menga ya Naboti+ mpi menga ya bana na yandi mazono,” Yehowa muntu me tuba, “mono ta pesa+ nge ndola na kitini yai ya ntoto,” Yehowa muntu me tuba.’ Yo yina, baka yandi mpi losa yandi na kitini yina ya ntoto, kaka mutindu Yehowa tubaka.”+

3 Ya kieleka, mambu yai kuminaka Yuda sambu Yehowa muntu tubaka yo, sambu na kukatula bo na meso na yandi+ sambu na masumu yonso yina Manase salaka,+ 4 mpi menga ya bantu yina salaka mbi ve yina yandi tiamunaka,+ sambu yandi fulusaka Yeruzalemi ti menga ya bantu yina me sala mbi ve, mpi Yehowa buyaka kulolula.+

49 Yo yina, mayele ya Nzambi tubaka mpi nde: ‘Mono ta tindila bo bambikudi ti bantumwa, ebuna bo ta fwa bankaka na kati na bo mpi bo ta monisa bo mpasi, 50 sambu bo lomba na ndonga yai ya bantu menga ya bambikudi yonso yina me tiamukaka katuka na luyantiku ya nsi-ntoto,+ 51 katuka na menga ya Abele+ tii na menga ya Zekaria, yina bo fwaka na kati-kati ya mesa-kimenga ti nzo.’*+ Ya kieleka, mono ke songa beno nde, bo ta lomba yo na ndonga yai ya bantu.