Watchtower MIKANDA YA KE NA INTERNET

Kulonga 15:7, 8

Biblia—Mbalula ya Nsi-Ntoto ya Mpa
- 7 Kana mpangi na nge kukuma nsukami na mbanza mosi na kati ya bambanza ya insi yina Yehowa Nzambi na nge ke pesa nge, kukumisa ve ntima na nge ngolo mpi kuvanda ve diboko ngolo sambu na mpangi na nge ya nsukami.+ 8 Nge fwete kabila yandi mingi+ mpi kudefisa yandi* kibeni konso kima yina yandi kele na yo mfunu to yina yandi me konda.

Nkunga 41:1

Biblia—Mbalula ya Nsi-Ntoto ya Mpa
- 41 Kiese na muntu yina ke tudilaka muntu ya kukonda mfunu dikebi;+
  Yehowa ta gulusa yandi na kilumbu ya mpasi.

Bingana 19:17

Biblia—Mbalula ya Nsi-Ntoto ya Mpa
- 17 Muntu yina ke monisila muntu ya kukonda mfunu ntima ya mbote ke defisa Yehowa,+
  Mpi Nzambi ta futa yandi* sambu na mambu yina yandi ke sala.+

Luka 6:34, 35

Biblia—Mbalula ya Nsi-Ntoto ya Mpa
- 34 Diaka, kana beno ke defisa* bantu yina beno ke tula kivuvu nde bo ta vutudila beno, nki lukumu beno kele na yo?+ Ata bansumuki ke defisaka bansumuki sambu bo baka na nima ntalu yina bo pesaka. 35 Kansi, beno landa na kuzola bambeni na beno, na kusala mambu ya mbote, mpi na kudefisa kukonda kutula kivuvu nde beno ta baka kima na nima;+ ebuna matabisi na beno ta vanda nene, mpi beno ta vanda bana ya Muntu ya Kuluta Zulu, sambu yandi kele mbote sambu na bantu ya me konda ntonda mpi bantu ya mbi.+

Bisalu 20:35

Biblia—Mbalula ya Nsi-Ntoto ya Mpa
- 35 Mono songaka beno na mambu yonso nde beno fwete sala ngolo mutindu yai+ sambu na kusadisa bantu yina kele ya kulemba, mpi beno fwete yibuka mambu yina Mfumu Yezu yandi mosi tubaka nde: ‘Kiese ke vandaka mingi na kupesa,+ kansi na kubaka kiese ke vandaka fioti.’”

Baebreo 13:16

Biblia—Mbalula ya Nsi-Ntoto ya Mpa
- 16 Diaka, beno vila ve na kusala mambu ya mbote mpi na kukabula ti bankaka bima yina beno kele na yo,+ sambu Nzambi ke waka kiese na bimenga ya mutindu yina.+