Watchtower MIKANDA YA KE NA INTERNET

1 Bantotila 21:20, 21

Biblia—Mbalula ya Nsi-Ntoto ya Mpa
- 20 Ahabi tubilaka Eliya nde: “A mbeni na mono, nge me mona mono!”+ Yandi vutulaka nde: “Mono me mona nge. ‘Sambu nge kele ti lukanu ya* kusala mambu ya mbi na meso ya Yehowa,+ 21 tala, mono ke natila nge mpasi, ebuna mono ta komba nge kibeni mpi ta manisa babakala yonso*+ ya nzo ya Ahabi, ti bantu yonso ya me konda lusadisu mpi ya kele ve ngolo na Izraele.+

2 Bantotila 10:10, 11

Biblia—Mbalula ya Nsi-Ntoto ya Mpa
- 10 Yo yina beno zaba nde ata diambu mosi ve ya Yehowa tubaka, yina Yehowa tubaka sambu na kubedisa nzo ya Ahabi ta konda kulungana,*+ mpi Yehowa me sala mambu yina yandi tubaka na nzila ya nsadi na yandi Eliya.”+ 11 Diaka, Yehu fwaka bantu yonso ya nzo ya Ahabi yina bikalaka na Yizreele, mpi bantu na yandi yonso ya lukumu, bantu yina zabanaka ti yandi, mpi banganga-nzambi na yandi,+ tii kuna yandi bikilaka yandi ve ata muntu mosi ya moyo.+

Yeremia 22:24

Biblia—Mbalula ya Nsi-Ntoto ya Mpa
- 24 “‘Ya kieleka, mutindu mono kele na luzingu,’ Yehowa muntu me tuba, ‘ata kana Konia*+ mwana ya Yehoyakimi,+ ntotila ya Yuda, vandaka lupetu ya kubudila kashe na diboko na mono ya kitata, mono zolaka kukatula nge kuna!