• Yezaya 44:28
    Biblia—Mbalula ya Nsi-Ntoto ya Mpa

    • 28 Muntu yina ke tuba sambu na Sirusi+ nde, ‘Yandi kele ngungudi na mono,

      Mpi yandi ta lungisa kibeni luzolo na mono yonso’;+

      Muntu yina ke tuba sambu na Yeruzalemi nde, ‘Bo ta tunga yandi diaka,’

      Mpi sambu na tempelo nde, ‘Bo ta tula fondasio na nge.’”+

  • Yezaya 45:1
    Biblia—Mbalula ya Nsi-Ntoto ya Mpa

    • 45 Yai mambu Yehowa ke tuba na muntu yina yandi me tulaka mafuta, na Sirusi,+

      Yina mono me simba+ diboko na yandi ya kitata,

      Sambu na kubedisa makanda na ntwala na yandi,+

      Sambu na kubotula binwaninu* ya bantotila,

      Sambu na kukangula na ntwala na yandi bakielo ya bikangilu zole,

      Mpidina bo ta kanga ve bakielo ya nene:

  • Yeremia 51:28, 29
    Biblia—Mbalula ya Nsi-Ntoto ya Mpa

    • 28 Beno sola* makanda sambu bo nwanisa yandi.

      Bantotila ya Media,+ bamfumu ya bambanza na yo, bilandi ya bamfumu na yo yonso,

      Mpi bansi yonso yina bo ke yala.

      29 Ntoto ta nikana mpi ta tekita,

      Sambu bangindu yina Yehowa kele na yo sambu na Babilone ta lungana

      Sambu na kukumisa insi ya Babilone kima ya ke pesa boma, kukonda muntu ya ke zinga kuna.+