15 Ntangu bantu yina ke nataka Sanduku kumaka na Yordani mpi banganga-nzambi yina ke nataka Sanduku kotisaka makulu na bo na masa ya Yordani (bilumbu yonso ya nsungi ya kukatula bima na bilanga, balweka+ ya Yordani ke fulukaka na masa), 16 masa yina ke katukaka na zulu mpi ke kulumukaka, telamaka kisika mosi. Yo telamaka bonso kibaka* ntama kibeni na Adami, mbanza yina kele pene-pene na Saretani, ebuna masa yina ke kulumukaka na ndambu ya Nzadi-Mungwa ya Araba, Nzadi ya Mungwa,* yumaka. Yo telamaka, ebuna bantu sabukaka na ntwala ya Yeriko.

8 Na nima Eliya bakaka lele na yandi ya kimbikudi,+ balula-balulaka yo, mpi bulaka masa, ebuna masa kabwanaka na diboko ya kimama mpi na diboko ya kitata, yo yina bo sabukaka bo zole na ntoto ya kuyuma.+