• Yezaya 6:11, 12
    Biblia—Mbalula ya Nsi-Ntoto ya Mpa

    • 11 Ebuna mono tubaka nde: “O Yehowa, tii nki ntangu?” Yandi tubaka nde:

      “Tii kuna bambanza ta bikala mayumbu kukonda bantu ya ke zinga kuna,

      Banzo ta konda bantu,

      Mpi insi ta bikala mayumbu mpi mpamba;+

      12 Tii kuna Yehowa ta katula bantu mpi ta nata bo ntama,+

      Mpi mayumbu ya insi ta yalumuka kibeni.

  • Yeremia 26:18
    Biblia—Mbalula ya Nsi-Ntoto ya Mpa

    • 18 “Mika+ ya Moresheti vandaka kubikula na bilumbu ya Ezekiasi+ ntotila ya Yuda, mpi yandi tubilaka bantu yonso ya Yuda nde, ‘Yehowa ya makesa ke tuba nde:

      “Bo ta bundula Sioni bonso kilanga,

      Yeruzalemi ta kuma mayumbu,+

      Mpi ngumba ya Nzo* ta kuma bonso bangumba na mfinda.”’*+

  • Bidilu 2:5
    Biblia—Mbalula ya Nsi-Ntoto ya Mpa

    •  5 Yehowa me kuma bonso mbeni;+

      Yandi me mina Izraele.

      Yandi me mina banzo-zulu na yandi yonso;

      Yandi me bwisa bisika na yandi yonso ya ngolo.

      Mpi yandi ke sala nde bidilu ti mawa ya mwana-nkento ya Yuda kukuma mingi.

  • Ezekiele 36:4
    Biblia—Mbalula ya Nsi-Ntoto ya Mpa

    • 4 O bangumba ya Izraele, beno wa ndinga ya Yehowa Mfumu ya Kuluta Nene! Yai mambu yina Yehowa Mfumu ya Kuluta Nene ke tuba na bangumba ya nene ti bangumba ya fioti, na bamasa ti miwanda, mayumbu yina me bikalaka mpamba,+ mpi na bambanza ya bo me yambulaka, yina bantu ya me gulukaka ya makanda yina kele na nziunga na bo me botulaka bima mpi me sekaka;+