• Yezaya 1:23
    Biblia—Mbalula ya Nsi-Ntoto ya Mpa

    • 23 Bamfumu na nge kele ntu ngolo mpi bo kele banduku ya miyibi.+

      Konso muntu na kati na bo ke zolaka kubaka avoka mpi ke sosa-sosaka makabu.+

      Bo ke sambisa ve mambu ya mwana ya me konda tata* na lunungu

      Mpi diambu ya mufwidi ya nkento ke kumina bo+ ve ata fioti.

  • Yeremia 5:26-28
    Biblia—Mbalula ya Nsi-Ntoto ya Mpa

    • 26 Sambu bantu ya mbi kele na kati ya bantu na mono.

      Bo ke landa kutala, bonso ntangu bantu ya ke kangaka bandeke ke kondamaka.

      Bo ke tula mutambu yina ke fwaka.

      Bo ke kanga bantu.

      27 Bonso buyamba ya me fuluka ti bandeke,

      Mutindu mosi banzo na bo kele ya kufuluka ti luvunu.+

      Yo yina bo me kuma ngolo mpi bamvwama.

      28 Bo me kuma mafuta mpi ngebu-ngebu;

      Bo me fuluka ti mambu ya mbi.

      Bo ke nwanina ve diambu ya mwana yina me konda tata,+

      Sambu bo nunga;

      Mpi bo ke zenga ve makambu ya bansukami na lunungu.’”+

  • Mika 2:1, 2
    Biblia—Mbalula ya Nsi-Ntoto ya Mpa

    • 2 “Mawa na bantu yina ke kanaka mambu ya mbi,

      Bayina ke yindulaka mambi na bambeto na bo!

      Bo ke salaka yo kana ntongo me tana,

      Sambu yo kele na kiyeka ya maboko na bo.+

       2 Bo ke yuma ntima sambu na bilanga mpi bo ke botula yo;+

      Bo ke yuma ntima sambu na banzo, mpi bo ke baka yo;

      Bo ke kusa muntu mpi ke baka nzo na yandi,+

      Bo ke kusa muntu mpi ke baka dikabu na yandi.