• Yezaya 48:1, 2
    Biblia—Mbalula ya Nsi-Ntoto ya Mpa

    • 48 Beno wa mambu yai, O nzo ya Yakobi,

      Beno bantu ya ke kudibinga na zina ya Izraele+

      Mpi ya me katukaka na bamasa ya* Yuda,

      Beno bantu ya ke zenga kieleka na zina ya Yehowa+

      Mpi ya ke binga Nzambi ya Izraele,

      Ata yo kele ve na kieleka mpi na lunungu.+

       2 Sambu bo ke kudibinga mbanza ya santu+

      Mpi ke sosa lusadisu ya Nzambi ya Izraele,+

      Yina zina na yandi kele Yehowa ya makesa.