12 Ntangu bo ke buya madia, mono ke wa ve mambu ya bo ke lomba,+ mpi ntangu bo ke pesa makabu ya mvimba ya kuyoka mpi makabu ya mbuma, mono ke wa ve kiese na yo,+ sambu mono ta fwa bo+ na mbele ya bitumba, na nzala, mpi na kipupa.”*

2 Mpi kana bo tubila nge nde, ‘Beto ta kwenda na wapi?’ nge fwete tubila bo nde, ‘Yehowa ke tuba nde:

“Muntu yina kele sambu na maladi ya ke fwaka, na maladi ya ke fwaka!

Muntu yina kele sambu na mbele ya bitumba, na mbele ya bitumba!+

Muntu yina kele sambu na nzala, na nzala!

Mpi muntu yina kele sambu na kimpika, na kimpika!”’+

9 Bantu yina ta bikala na mbanza yai ta fwa na mbele ya bitumba, na nzala, mpi na kipupa. Kansi konso muntu yina ta basika mpi ta kudipesa na bantu ya Kaldea yina me ziunga beno, yandi ta bikala na luzingu, mpi yandi ta baka luzingu* na yandi bonso kima ya yandi me baka na bitumba.”’*+