• Yezaya 60:17
    Biblia—Mbalula ya Nsi-Ntoto ya Mpa

    • 17 Na kisika ya kwivre mono ta nata wolo,

      Mpi na kisika ya kibende mono ta nata arza,

      Na kisika ya dibaya, kwivre,

      Mpi na kisika ya matadi, kibende;

      Ebuna mono ta tula ngemba sambu yo vanda bankengi na nge

      Mpi lunungu sambu yo vanda bantu yina ke pesaka nge kisalu.+

  • Yeremia 23:5
    Biblia—Mbalula ya Nsi-Ntoto ya Mpa

    • 5 “Tala! Bilumbu ke kwisa,” Yehowa muntu me tuba, “ntangu mono ta basisila Davidi lutangu* ya lunungu.+ Ntotila ta yala,+ yandi ta monisa mayele ya kubakisa mambu mbote-mbote; yandi ta sambisa na lunungu mpi na mutindu ya me fwana na insi yai.+

  • Ezekiele 46:18
    Biblia—Mbalula ya Nsi-Ntoto ya Mpa

    • 18 Mfumu fwete kula ve bantu na kingolo-ngolo na ntoto na bo sambu na kubaka dikabu na bo ata mosi. Yandi fwete pesa bana na yandi dikabu yina ta katuka na ntoto na yandi mosi, mpidina na kati ya bantu na mono bo lenda kula ve ata muntu mosi na ntoto na yandi.’”

  • Mika 3:1-3
    Biblia—Mbalula ya Nsi-Ntoto ya Mpa

    • 3 Mono tubaka nde: “Pardo, beno wa, beno bamfumu ya Yakobi

      Mpi beno bakomanda ya nzo ya Izraele.+

      Keti beno fwete zaba ve mambu ya lunungu?

       2 Kansi beno ke menga mambu ya mbote+ mpi beno ke zola mambu ya mbi;+

      Beno ke katula bantu na mono mpusu mpi misuni na mikwa na bo.+

       3 Beno ke dia mpi misuni ya bantu na mono+

      Mpi beno ke katula bo mpusu,

      Beno ke panza mikwa na bo mpi beno ke zenga yo bitini-bitini,+

      Bonso bima yina bo me lamba na nzungu,* bonso misuni na kati ya nzungu ya kulambila.