-
Yezaya 11:11, 12Biblia—Mbalula ya Nsi-Ntoto ya Mpa
-
-
11 Na kilumbu yina, Yehowa ta sadila diaka diboko na yandi, na mbala ya zole, sambu na kubaka bantu na yandi yina me bikala na Asiria,+ na Ezipte,+ na Patrosi,+ na Kushi,+ na Elami,+ na Shinare,* na Amati, mpi na bisanga ya nzadi-mungwa.+ 12 Yandi ta tedimisa kidimbu mosi* sambu na makanda mpi ta vukisa bantu ya Izraele+ yina me panzanaka; ebuna yandi ta vukisa bantu ya Yuda yina me panzanaka katuka na bandambu yonso iya ya ntoto.+
-
-
Yeremia 30:10, 11Biblia—Mbalula ya Nsi-Ntoto ya Mpa
-
-
10 “Mpi nge, nsadi na mono Yakobi, kuwa boma ve,” Yehowa muntu me tuba,
“Mpi kutekita ve, O Izraele.+
Sambu mono ta gulusa nge katuka na kisika ya ntama
Mpi mono ta gulusa bana na nge katuka na insi yina bo kele na kimpika.+
Yakobi ta vutuka, ta vanda na ngemba, mpi bo ta yangisa yandi ve;
Ata muntu mosi ve ta pesa bo boma.”+
11 “Sambu mono kele ti nge,” Yehowa muntu me tuba, “sambu na kugulusa nge.
-
-
Ezekiele 34:13, 14Biblia—Mbalula ya Nsi-Ntoto ya Mpa
-
-
13 Mono ta basisa bo na kati ya bantu mpi ta vukisa bo kisika mosi na bansi mpi ta nata bo na insi na bo ebuna mono ta disa bo na bangumba ya Izraele,+ pene-pene ya bamasa ti ya bisika yonso ya insi yina bantu ke zingaka. 14 Mono ta disa bo na nseke ya mbote, ebuna insi yina bo ta dia matiti ta vanda na bangumba ya kunanguka ya Izraele.+ Bo ta lala kuna na insi ya mbote ya kudia matiti,+ mpi bo ta dia na banseke ya kuluta mbote na zulu ya bangumba ya Izraele.”
-
-
Amosi 9:14, 15Biblia—Mbalula ya Nsi-Ntoto ya Mpa
-
-
14 Mono ta vutula bantu na mono Izraele+ yina kwendaka na kimpika,
Mpi bo ta tunga diaka bambanza yina bikalaka mpamba mpi bo ta zinga kuna;+
Bo ta kuna bilanga ya vinu mpi bo ta nwa vinu na yo,+
Bo ta sala bilanga mpi bo ta dia bambuma na yo.’+
15 ‘Mono ta kuna bo na insi na bo,
Mpi bo ta tumuna bo diaka ve
Na ntoto na bo yina mono me pesaka bo,’+ Yehowa Nzambi na beno muntu me tuba.”
-