• 2 Bansangu 28:18
    Biblia—Mbalula ya Nsi-Ntoto ya Mpa

    • 18 Bantu ya Filistia+ mpi nwanisaka bambanza ya Shefela+ mpi ya Negebi ya Yuda ebuna bo botulaka Bete-shemeshi,+ Ayaloni,+ Gederoti, Soko ti babwala yina kele na nziunga na yo, Timna+ ti babwala yina kele na nziunga na yo, mpi Gimzo ti babwala yina kele na nziunga na yo; ebuna bo kumaka kuzinga kuna.

  • Yezaya 9:11, 12
    Biblia—Mbalula ya Nsi-Ntoto ya Mpa

    • 11 Yehowa ta tedimisa bambeni ya Resini sambu na kunwanisa yandi,

      Mpi ta pusa bambeni na yandi na kusala mambu,

      12 Siria katuka na ndambu ya esti mpi bantu ya Filistia katuka na ndambu ya westi,*+

      Bo ta kangula minoko+ mpi ta dia Izraele.

      Sambu na mambu yai yonso, makasi na yandi me mana ve,

      Kansi diboko na yandi kele kaka ya kutandula sambu na kubula.+

  • Yezaya 14:29
    Biblia—Mbalula ya Nsi-Ntoto ya Mpa

    • 29 “Filistia, ata muntu na nge mosi ve kuwa kiese,

      Kaka sambu fimbu ya muntu yina ke bula nge me bukana.

      Sambu nioka ya ndikila+ ta basika na musisa ya nioka,+

      Mpi mwana na yo ta vanda nioka ya ke pumbukaka mpi ya ke basisaka tiya.*

  • Yoele 3:4-6
    Biblia—Mbalula ya Nsi-Ntoto ya Mpa

    •  4 Diaka, inki mambu beno kele na yo ti mono,

      O Tire, Sidoni, mpi baprovense yonso ya Filistia?

      Keti beno ke futa mono sambu na kima mosi?

      Kana beno ke futa mono,

      Mono ta nata lufutu na beno nswalu mpi ntinu na zulu ya ba-ntu na beno.+

       5 Sambu beno me baka arza mpi wolo na mono,+

      Mpi beno me nata bimvwama na mono ya kuluta kitoko na batempelo na beno;

       6 Mpi beno me teka bantu ya Yuda mpi ya Yeruzalemi na Bagreki,+

      Sambu na kunata bo ntama ti teritware na bo;

  • Amosi 1:6
    Biblia—Mbalula ya Nsi-Ntoto ya Mpa

    •  6 Yehowa ke tuba nde,

      ‘“Sambu na mambu tatu ya kukolama ya Gaza,+ mpi sambu na mambu iya, mono ta soba yo ve,

      Sambu bo bakaka kimvuka ya mvimba ya bantu yina bo nataka na insi ya nkaka+ sambu na kupesa bo na Edomi.