-
1 Samuele 2:7, 8Biblia—Mbalula ya Nsi-Ntoto ya Mpa
-
-
7 Yehowa ke kumisaka muntu nsukami, mpi yandi ke kumisaka muntu mvwama;+
Yandi ke kulumusaka, mpi yandi ke nangulaka.+
8 Yandi ke tombulaka muntu ya kukonda mfunu katuka na mfututu;
Yandi ke tedimisaka nsukami katuka na putulu ya tiya,*+
Sambu na kuvandisa bo kisika mosi ti bamfumu,
Yandi ke pesaka bo kiti ya lukumu.
Makunzi ya ntoto kele ya Yehowa,+
Mpi yandi ke tulaka ntoto na zulu na yo.
-
-
Yobi 34:24Biblia—Mbalula ya Nsi-Ntoto ya Mpa
-
-
24 Yandi ke sukisaka bantu ya kiyeka kukonda kuvanda na mfunu ya kuzikisa mbote-mbote
Mpi yandi ke tulaka bantu ya nkaka na bisika na bo.+
-
-
Ezekiele 21:26, 27Biblia—Mbalula ya Nsi-Ntoto ya Mpa
-
-
26 Yehowa Mfumu ya Kuluta Nene me tuba nde: ‘Katula tirbani, mpi katula mpu ya kimfumu.+ Yo ta bikala ve mutindu mosi.+ Tombula yina kele na nsi,+ mpi kulumusa yina kele na zulu.+ 27 Mono ta kumisa yo mayumbu, mayumbu, mayumbu. Yo ta vanda ve ata ya muntu mosi tii kuna muntu yina kele na nswa ya me fwana ta kwisa,+ mpi mono ta pesa yandi yo.’+
-
-
Daniele 7:13, 14Biblia—Mbalula ya Nsi-Ntoto ya Mpa
-
-
13 “Mono landaka kutala na bambona-meso ya mpimpa, ebuna mono monaka muntu mosi bonso mwana ya muntu+ ke kwisa na matuti ya zulu; bo pesaka yandi nswa ya kukota kisika Mbuta ya Bilumbu+ vandaka, mpi bo nataka yandi pene-pene ya Muntu yina. 14 Ebuna bo pesaka yandi luyalu,+ lukumu,+ mpi kimfumu, sambu bantu, makanda mpi bandinga, bo yonso kusadila yandi.+ Luyalu na yandi kele luyalu ya mvula na mvula yina ta luta ve, mpi bo ta fwa ve kimfumu na yandi.+
-