-
1 Bantotila 22:6Biblia—Mbalula ya Nsi-Ntoto ya Mpa
-
-
6 Yo yina ntotila ya Izraele vukisaka bambikudi, bantu kiteso ya 400, mpi tubilaka bo nde: “Keti mono fwete kwenda kunwanisa Ramoti-gileadi, to keti mono fwete kwenda ve?” Bo tubaka nde: “Kwenda, mpi Yehowa ta pesa yo na maboko ya ntotila.”
-
-
1 Bantotila 22:8Biblia—Mbalula ya Nsi-Ntoto ya Mpa
-
-
8 Ntotila ya Izraele tubilaka Yehoshafati nde: “Kele diaka ti muntu ya nkaka yina beto lenda yula Yehowa na nzila na yandi;+ kansi mono ke mengaka yandi,+ sambu yandi ke bikulaka ve ata fioti mambu ya mbote sambu na mono, kansi yandi ke bikulaka kaka mambu ya mbi.+ Yo kele Mikaya mwana ya Yimla.” Kansi Yehoshafati tubaka nde: “Ntotila fwete tuba ve mutindu yina.”
-
-
Yezaya 9:15, 16Biblia—Mbalula ya Nsi-Ntoto ya Mpa
-
-
15 Ntu kele nkuluntu mpi muntu ya bo ke zitisaka mingi,
Mpi mukila+ kele mbikudi yina ke pesa malongi ya luvunu.
16 Bantu yina ke twadisa bantu yai ke sala nde bo yungana-yungana;
Mpi bantu yina bo ke twadisa me kuma kisaka-saka.
-
-
Yeremia 6:13, 14Biblia—Mbalula ya Nsi-Ntoto ya Mpa
-
-
13 “Sambu yantika na muntu ya kukonda mfunu tii na muntu ya mfunu mingi, konso muntu ke baka luta na banzila ya luvunu;+
Yantika na mbikudi tii na nganga-nzambi, konso muntu ke sadila luvunu.+
14 Mpi bo ke meka kubelula na zulu-zulu kubukana ya bantu na mono, bo ke tuba nde,
‘Ngemba kele! Ngemba kele!’
Kansi ngemba kele ve.+
-