24 Tala! Bantu me kwisa kusala mwa bangumba sambu na kubotula mbanza,+ mpi sambu na mbele ya bitumba,+ nzala, mpi kipupa,*+ mbanza yai ta bwa kibeni na maboko ya bantu ya Kaldea yina ke nwanisa yo; mambu yonso ya nge tubaka me salama, mutindu nge ke mona ntangu yai.

7 Nsuka-nsuka, bo tobulaka kibaka ya mbanza, mpi basoda yonso tinaka na mpimpa na nzila ya kielo yina vandaka na kati-kati ya bibaka zole yina vandaka pene-pene ya masamba ya ntotila, mpi bantu ya Kaldea ziungaka mbanza; ebuna bo landaka kukwenda na nzila ya Araba.+